Cart

Feugiat nulla facilisis at vero eros et curt accumsan et iusto odio dignissim qui blandit praesent luptatum zzril.

Related Posts

Cart

ტელეფონი
ყოველდღე: 24/7 სამუშაო საათები
ელ. ფოსტა
Title Image

ჩვენ შესახებ

მედ-დიაგნოსტიკა

2020 წელს, საქართველოში მოლეკულურ-გენეტიკური ლაბორატორია მედ-დიაგნოსტიკა დაარსდა. გუნდი დაკომპლექტებულია ამერიკასა და ევროპაში მოღვაწე წარმატებული ქართველი ბიოლოგების, ბიოინფორმატიკოსების და ექიმების სამეცნიერო ჯგუფისგან.

ჩვენი გუნდის მიზანია საქართველოში დაინერგოს საერთაშორისო სტანდარტის მოლეკულურ-გენეტიკურ მეთოდზე დაფუძნებული კვლევები, რაც ქართველ ექიმებს მისცემს ზუსტ ინფორმაციას, რომელიც საჭიროა პაციენტის სწორი დიაგნოზირებისა და მკურნალობისთვის.

ჩვენთან დღეისათვის მუშაობს 120-ზე მეტი თანამშრომელი, რომლებსაც სწავლება აქვთ გავლილი წამყვან საერთაშორისო სამეცნიერო კვლევით ინსტიტუტებში ამერიკასა და ინგლისში. აღსანიშნავია, რომ ჩვენს თანამშრომლებს გავლილი აქვთ სპეციალური ტრენინგები “Thermo Fisher Scientific”-ის ევროპის სათაო ოფისებში შესაბამისი დარგობრივი მიმართულებებით.

დღეს მედ-დიაგნოსტიკა პაციენტებს სთავაზობს მოლეკულურ გენეტიკურ კვლევებს: ონკოჰემატოლოგია, კლინიკური ონკოლოგია, რეპროდუქტოლოგია, მეან-გინეკოლოგია, ინფექციური დაავადებები, ფარმაკოგენომიკა, პრევენციული მედიცინა, პედიატრია-ნეონატოლოგია და ენდოკრინოლოგია.

მოლეკულური კვლევის ცენტრ მედ-დიაგნოსტიკის მიზანია საქართველოში დანერგოს მსოფლიოში დიაგნოსტიკური მედიცინის მიღწევები და საერთაშორისო სტანდარტები.

იხილეთ ჩვენი ლაბორატორიული კვლევები

  1. გრეგორ მენდელი

    გრეგორ მენდელი – “გენეტიკის მამა” დგას მრავალი მნიშვნელოვანი აღმოჩენის სათავეში. მან პირველმა ივარაუდა, რომ გენეტიკური მახასიათებლები თაობიდან თაობას გადაეცემა. მენდელმა დააფუძნა ის ტერმინები, რომლებიც დღეს ყველამ ვიცით როგორც რეცესიული და დომინანტური.

  2. ფრიდრიხ მიშერი

    ფრიდრიხ მიშერმა გამოყო უჯრედიდან ბირთვის სტრუქტურა, რომელიც შეიცავს დნმ-ის მოლეკულას.

  3. ალბრეხტ კოსელი

    ნობელის პრემიის ლაურეატმა და გერმანელმა ბიოქიმიკოსმა ალბრეხტ კოსელმა, პირველმა მიანიჭა სახელწოდება დნმ-ს, როგორც ნუკლეინის მჟავას და გამოყო ხუთივე აზოტოვანი ფუძე: ადენინი (A), ციტოზინი (C), გუანინი (G) და თიმინი (T) (შეიცვალა ურაზილით (U) რნმ-ში).

  4. უოლტერ ფლემინგი

    კოსელის აღმოჩენებიდან მალევე, უოლტერ ფლემინგმა აღმოაჩინა მიტოზი 1882 წელს და ის გახდა პირველი ბიოლოგი, რომელმაც ქრომოსომების დაყოფის მთლიანად სისტემატური გამოკვლევა ჩაატარა.

  5. ბოვერი – სატონი

    1900-იანი წლების დასაწყისში – თეოდორ ბოვერი და უოლტერ სატონი დამოუკიდებლად მუშაობდნენ იმაზე, რასაც ახლა Boveri-Sutton ქრომოსომის თეორია ან მემკვიდრეობის ქრომოსომულ თეორიას უწოდებენ. მათი დასკვნები ფუნდამენტურია იმის გაგებაში, თუ როგორ ატარებენ ქრომოსომები გენეტიკურ მასალას და გადადიან ერთი თაობიდან მეორეზე.

  6. სერ არჩიბალდ ედუარდ გაროდი

    სერ არჩიბალდ ედუარდ გაროდმა გამოაქვეყნა პირველი დასკვნები 1902 წელს ადამიანებში რეცესიული მემკვიდრეობის შესახებ ჩატარებული კვლევის საფუძველზე.

  7. ოსვალდ ევერი

    ოსვალდ ევერიმ პირველმა დაასახელა დნმ – როგორც გენეტიკური ინფორმაციის მატარებელი მოლეკულა.

  8. ერვინ ჩარგაფი

    ერვინ ჩარგაფმა აღმოაჩინა, რომ დნმ პასუხისმგებელია მემკვიდრეობაზე და ის განსხვავდება სახეობებს შორის. მისმა აღმოჩენებმა, რომლებიც ჩარგაფის წესებითაა ცნობილი, დაადასტურა, რომ გუანინის და ციტოზინის ერთეულები, ისევე როგორც ადენინისა და თიმინის კომპლემენტარები ერთნაირია ორმაგი ჯაჭვის დნმ-ში. მან ასევე დაადგინა, რომ დნმ განსხვავდება სახეობებს შორის.

  9. ბარბარა მაკინტოკი

    1940-იანი წლების ბოლოს ბარბარა მაკინტოკმა აღმოაჩინა გენების მობილურობა, კერძოდ “მოხტუნავე გენების” პრინციპი, ანუ მოსაზრება, რომ გენებს შეუძლიათ ქრომოსომაზე გადაადგილება.

  10. როზალინდ ფრანკლინი

    როზალინდ ფრანკლინი მუშაობდა რენტგენულ კრისტალოგრაფიაში და მან მოახერხა დნმ-ის რენტგენული დიფრაქციული ფოტომასალის მიღება. მისმა გამოსახულებებმა აჩვენა დნმ-ის სპირიტული ფორმა, რომელიც უოტსონმა და კრიკმა დაადასტურეს თითქმის ორი წლის შემდეგ.

  11. უოტსონი და კრიკი

    უოტსონმა და კრიკმა დაადასტურეს დნმ-ის სივრცობრივი კონფიგურაცია და გამოაქვეყნეს ნაშრომი დნმ-ის ორმაგი ჰელიქსის სტრუქტურის შესახებ.

  12. ადამიანის გენომის პროექტი

    1990 წელს წამოიწყეს ადამიანის გენომის პროექტი, რომელიც 15 წლის განმავლობაში მიმდინარეობდა და მიზნად ისახავდა ადამიანის დნმ-ის თანმიმდევრობის სრულად გაშიფვრას.

1 დნმ შედგება 100 მილიონი ნუკლეოტიდისგან, ერთი ადამიანი 6 მლრდ ნუკლეოტიდისგან. თითოეული ადამიანის უჯრედი მოიცავს 23 წყვილ ქრომოსომას, რომლებიც შედგება დნმ-ის მოლეკულისგან. ქრომოსომათა ერთობლიობა ქმნის გენომს. გენომიკა არის გენეტიკის ნაწილი, რომელიც შეისწავლის გენომის სტრუქტურას და მუშაობის პრინციპებს.

სამედიცინო დარგის განვითარების თანამედროვე ეტაპზე, პერსონალურ, ანუ პრეციზიულ მედიცინას, უდიდესი მნიშვნელობა აქვს. პერსონალური მედიცინა გულისხმობს პაციენტების ისეთი ცალკეული ჯგუფების შექმნას, რომლებისთვისაც სამედიცინო მომსახურების, ინტერვენციისა და პრეპარატების მისადაგება ხორციელდება ინდივიდუალურად, პაციენტის პრეპარატებისადმი მგრძნობელობისა და დაავადების რისკის ზუსტი გათვალისწინებით.

ამ მიდგომის მნიშვნელობა საგრძნობლად გაიზარდა ახალი მოლეკულურ-ბიოლოგიური დიაგნოსტიკური ტესტებისა და ბიოინფორმატიკული მეთოდების, განსაკუთრებით კი, გენომიკის დარგის განვითარებასთან ერთად. კერძოდ, გენომიკის კვლევის მეთოდებით შესაძლებელია დაავადების ხელშემწყობი ფაქტორებისა და შესაბამისად, ცალკეული პაციენტის რისკების მოლეკულური საფუძვლების გამოვლენა.

ყოველ ინდივიდს გენომის უნიკალური ვარიაცია ახასიათებს, რაც თავისთავად ადამიანის ჯანმრთელობას არ ხელჰყოფს, მაგრამ სპეციფიკური გარემო ფაქტორებისა და ქცევის ნორმების პირობებში, გენომი კრიტიკულ მნიშვნელობას იძენს. მედ-დიაგნოსტიკის გუნდი მიზნად ისახავს უახლესი ტექნოლოგიით აღჭურვილი ლაბორატორიის როგორც აპარატურულ, ასევე მატერიალურ-ტექნიკური ბაზის გაფართოვებას და სხვა გენეტიკური დაავადებების დიაგნოსტირებას.